Uwa eon napilian nga maging host it Miss Universe pageant si Steve Harvey.
Suno kay Miss Universe Organization CEO Amy Emmerich nga pagabayluhan nana ro sikat nga host it sangka babaye.
Posibleng sa mga masunod nga inadlaw hay igaanunsiyo nanda kon sin-o ro napiliang maging bag-ong host.
Paathag pa ni Emmerich nga kaparte it pagbag-o nga andang igapatuman ro pagbaylo it host it nasambit nga pageant.
Naging host si Harvey it limang dag-on base eon man sa kontrata nga anang ginpirmahan.
Madumdumang sumikat si Harvey sa Pilipinas matapos nga nagkasaea raya it pag-anunsiyo nga ro nagdaog nga Miss Universe 2015 hay ro pambato it Columbia apang ana raya nga ginbawi ag gin-ako nga nagkasaea imaw kon sa siin ro minatuod nga nagdaog hay ro pambato it nasyon nga si Pia Wurtzbach.
