KALIBO, Aklan–Nagakasubo ro pilang fish vendor sa bahin it Kalibo Shopping Center matapos nga gintakaw it daywang ka mga persona ro andang stock nga isda ko nagtaliwan nga gabi-i.
Suno sa sambilog nga fish vendor nga si Jenelyn Andrade, nakit-an sa CCTV footage ro pagbuoe sa andang stock nga isda it daywang ka mga persona nga nakasakay sa motorsiklo.
Base sa nabuoe nga video, medyo kabisado it mga suspek ro lugar bangud madahan nga ginbuoe it mga raya ro tilon nga gintakop sa bueotangan it isda ag ginpaeong pa ro iwag.
Ginpahayag ni Andrade nga naga-abot sa napueong kilo it bantaeaan ag 30 kilos nga bangus ro natigayun nga mabuoe it mga suspek sa anang pwesto.
Nagapabilin man nga paealigban kung sin-o ro responsable sa pagpanakaw bangud malabo ro buoe sa CCTV.
Ro insidente suno kana hay nagtuga it mabahoe nga kalugian kanda bangud ro gingamit nga kapital sa pagbakae it isda hay gin-utang eamang nanda.
