KALIBO, Aklan – – – Hugot nga iga patuman it Department of Environment and Natural Resources (DENR) ang “stoppage order” sa isla itBoracay para sa tanan nga naga patukod it istraktura sa isla.
Suno kay Atty. Richard Fabila it DENR-CENRO Boracay nga nakaangkon eon it kasugtanan sanday DENR Sec. Roy Cimatu ag Malay Mayor Ciceron Cawaling hanungod kara.
Apang, gin klaro ni Fabila nga gina pasugtan nanda ro mga establisiemiento nga naga patigayun it renovation agud maging compliant sa gina patuman nga kasuguan sa isla.
Nasayuran nga may sambilog eon nga nasampolan it “stoppage order” kun siin pinauntat ro gina himo karang construction.
Samtang, gin paidaeum eonman sa state of calamity ro tatlong mga barangay sa isla nga gina eakipan it Manoc-Manoc, Balabag ag Yapak kasunod it Proclamation No. 475 nga gin papanaug ni Pangueong Rodrigo Duterte.
