Mas seryoso ro bacterial infection kumpara sa viral infection.
Ro kaeabanan nga rason it bacteria sa tutunlan hay strep throat.
Streptococcal bacteria ro rason it strep throat ag sobra raya nga makataeapon.
Nagkalhit raya sa hangin sa pag-ubo ukon pagbaha-on kamana man sa pagsaeo sa pagkaon ag ilimnon.
Pwede man raya nga mabo-oe sa pwertahan, cell phone, lamesa ag gamit sa baeay, ag maisaylo raya sa ilong ag bibig.
Kaeabanan nga nabibilog ro strep throat sa sueod it daywa hasta pitong adlaw pagkatapos nga matapnan ro sangka tawo.
Ro mga unga nga naga-edad it 5 hasta 15 hay kaeabanan nga natapnan sa kaklase.
Kaeabanan sa mga sintomas it strep throat hay ro paghaeok it tonsils ag kulani ukon (lymph nodes); Masakit kon nagatueon’ mapuea ag may nana sa tutunlan ag mataas nga eagnat .
Ro strep throat kun indi mabueong hay pwedeng magresulta sa kumplikasyon kapareho it paghaeok it kidney ag rheumatic fever.
Kinahangean raya nga mabueong it tamang dosis it antibiotics.
Magkonsulta sa inyong doktor kon makabatyag it mga sintomas it strep throat.
Indi raya pagbalewalaon.
