Nag-apela ro sangka pork vendor kay Kalibo mayor Juris Sucro nga kon pwede ro dag-on 2022 eamang ro anang bayaran ag ibarato eon lang kana ro mga previous year ukon ro arrears agud nga marenew ro anang bussiness permit.
Raya hay kasunod it mando it lokal nga gobyerno pinaagi sa Municipal Economic Enterprise Development Office ukon MEEDO nga ipatuman ro “ no permit, no katay policy” sa slaughter house.
Suno kay Mr. Martin Capistrano, kapin sa P201,000 pesos ro anang kabilugan nga baeayran maghalin ko dag-on 2019-2022 agud nga marenew it uman ro anang permit.
Apela nana sa alkalde nga kunta maintindihan imaw bangud nga nag-agi man ro pandemya ag inde nana raya masarangan nga bayran.
Umpisa suno kana sa Pebrero 20 hay inde eon sanda makapakatay it baboy sa slaughter house kon uwa it ginapakita nga nasambitang dokumento.
Haom sigon imaw nga magpaeapit sa taeatapan it opisyal sa oras nga igapatawag sanda para maipaabot man ro andang sentemyento.
