Nagkampeon ro Strong Group Athletics-Pilipinas sa 43rd William Jones Cup.
Naeosutan it Pilipinas ro Chinese Taipei-A sa pinaagi it overtime score nga 83-79.
Sa last quarter hay naipasueod ni Kiefer Ravena ro three-points sa nabilin nga 13.2 seconds para mabuoe nanda ro 73-71 nga abante apang uwa nagpasugot ro Chinese Taipei ag naipasueod ro bola sa pinaagi ni Brandon Gilbeck sa 7.6 segundo ag nadali sa overtime ro hampang.
Sa pagsueod it overtime hay naging hugot ro pagbaeayluhan it depensa hasta sa nagdaog ro Pilipinas sa hampang.
Raya ro unang titueo it Strong Group kat mag-first runner up sanda sa Dubai International Championship kat mapas-eawan sanda sa Al Riyad sa final.
Ginkilaea nga most valuable player ag kaibahan sa Mythical Five si Chris McCullough nga naglista it 12 points.
Nagpanguna sa pagdaog it SGA si DJ Fenner nga may unang 15 points, siyam nga rebounds ag ap-at nga steals samtang si RJ Abarrientos hay may una nga 14 points.
