Gintaeana ni Sual, Pangasinan Mayor Liseldo “Dong” Calugay si Vice Mayor John Christopher Arcinue bilang acting mayor halin Setyembre 9 hasta Setyembre 13.
Sa idaeom it Executive Order No. 045, gintaea ni Calugay si Arcinue bilang acting mayor “due to [his] ongoing medical concerns.”
Uwa man naka-adto sa pagpamati it Senado ku Setyembre 5 si Calugay, nga gina-angot sa na-dismiss nga Mayor it Bamban, Tarlac nga si Alice Guo, bangud sa dengue.
Samtang, binasa ni Senator Risa Hontiveros ro anang executive order sa padayon nga pagpamati it Senate Committee on women, children, family relations ag gender equality.
Pamilit man ni Gou nga uwa imaw it relasyon kay Calugay, nga ginsalarawan nana bilang sangka “amigo”.
Una kara, ginsugo it komite ro pagpaguwa it subpoena kontra kay Calugay.
Sinambit ni Hontiveros nga raya ro ikaywang kahigayunan nga napas-eawan si Calugay sa pagpamati it Senado.
