Ginpaathag it Department of Interior and Local Government ukon DILG Aklan ro proseso angot sa succession of leadership sa banwa it Makato kasunod it pagkamatay ni mayor Abencio Torres.
Suno kay Engr. Carmelo Orbista, provincial director it DILG Aklan nga otomatiko nga masaka sa pagka-alkalde ro presenteng bise alkalde nga si Ramon Legaspi III agud nga mapun-an ro bakante nga posisyon nga gin-aywanan ni mayor Torres.
Sa kamatuoran suno kana hay naka oath taking eon si Legaspi ag natake-over eon kara ro nasambit nga posisyon.
Samtang, ro unang sangguniang bayan member nga si Nilo Amboboyog hay imaw ro nagtake-over sa posisyon it pagka bise alkalde.
Ro bakanteng posisyon sa pagka-SB member hay ro maga-nominate kara ro political party it unang SB member nga nagbakante sa anang lugar.
Ginpahayag dugang ni Orbista nga parehong proseso sandig sa laye ro pagasundon sa Hunyo 30 sa inaugaration ag oath taking it mga nagdaeaog nga kandidato nga nagpadaeagan ko nagtaliwan nga eleksyon.
