KALIBO, Aklan—Gin-refer it Sangguniang Panlalawigan it Aklan sa Committee on Laws ag Committee on Transportation ro ginpadaea nga sueat it area manager it Civil Aviation Authority of the Philippines (CAAP).
Raya hay para maidid nga matalakay kaibahan ro mga representante halin sa nasambit nga taeatapan.
Nakabaehag sigon sa sueat ro request it CAAP nga magpasa it ordinansa ro lokal nga gobyerno nga magatao it operation safety sa mga paeuparan.
Sa pihak nga parte, gintalakay dugang sa ginpatigayun nga session ro pagpangayo it otorisasyon ni Governor Florencio Miraflores nga magsueod sa Memorandum of Agreement sa tunga it Department of Health Center for Health Development Western Visayas.
Tuyo kara nga magtao it pondo para sa mga indigent patients nga na-confined ukon gin-refer sa Out Patient Department (OPD) sa mga pampublikong ospital.
Ro pondo sa nasambit nga programa hay nagabalor it kapin sa P14 million kung siin mabahoe raya nga bulig para sa mga pigado nga ginadaea sa ospital.
