Kalibo Aklan ———-Half day ro sueod it mga empleyado it munisipyo it Kalibo makaron nga adlaw bangud sa bagyong Odette.
Sa advisory nga ginpaguwa ni Kalibo Mayor Emerson Lachica nga gin kansela ro sueod it mga empleyado ag mga eskwelahan halin sa pampubliko ag pribadong eskwelahan agud nga tempranong maka-uli .
Suno kay executive assistant to the mayor Basil Tabernilla nga nakadepende sa management it mga pribadong opisina sa pagkansela it sueod .
Ro operasyon it mga banko hay hasta eamang it ala-1 makaron nga hapon hasta hin-aga nga adlaw sandig sa mandu it bangko sentral ng pilipinas .
Samtang, preparado eon man sigon ro tanan nanda nga disaster management and response teams .
Sa pihak nga parte, nagpadayun gihapon ro bayanihan bakunahan it LGU-Kalibo hasta alas-4 makaron nga hapon sa andang mga gintaeana nga vaccination sites.
