KALIBO, Aklan—Nakaplastar eon ro mga sueundanan sa isla it boracay para sa “new normal” ukon pagbag-o it kabuhi bangud sa pandemic nga tuga it coronavirus disease 2019 o COVID-19.
Maskin nga nagapahaum eon sa pagbalik operasyon it mga establisimento, apang kaabuan sa mga negosyante hay sa buean pa it hulyo ukon Agosto plano nga magbukas agud nga makasigurado nga indi makasueod ro covid infection.
Suno kay P/Lt. Col. Jonathan Pablito, hepe it malay police station nga mag-eowas sa mga nagabantay nga kapulisan sa mga violators hay may ginbutang man sanda nga mga signages.
Gindayaw man it opisyal ro mga taga malay ag isla it boracay bangud sa bulig ag suporta sa mga patakaran nga ginapatuman umpisa ko ECQ hasta nga ginpatuman eon ro MGCQ sa aklan.
Samtang, pila sigon sa mga nag-eabag sa curfew hay ginmanduan it mga barangay kapitan nga magpangayo it pasaylo sa social media agud nga indi pagtuearon it iba.
Kadungan kara, nag apela si pablito nga magsunod anay sa laye agud nga indi makasuhan it pag-eabag sa ginapatuman nga quarantine.
