Gin-inspeksyon it mga ahente it Bureau of Customs (BOC) ro sangka bodega it asukar sa Quezon City sa padayon nga pagnikasog nga masiguro nga owa it indibidwal ukon negosyante ro naga-hoard it asukar sa tunga it nareport nga kakueangan it suplay.
Ginpahayag it BOC nga ro pag-inspeksyon sa sugar warehouse it La Perla Sugar Export Corporation sa Quezon City hay kaparte it aksyon it gobyerno para masiguro nga maka-angkon it bastante nga supply it asukar sa merkado.
Ro inspeksyon hay ginpatigayon it Customs Intelligence and Investigation Service it BOC, it Enforcement and Security Service-Quick Response Team it Manila International Container Port, ag Armed Forces of the Philippines.
Sa nasambit nga tikang, nakit-an it mga BOC agents ro 57,000 sako it imported nga refined sugar maghalin sa Thailand nga may ginatantyang haega it P285 milyon.
Ro kada sako hay may sueod nga 50 kilo ag ginatantyang naga balor it P5,000.
Nasayuran nga ro gina-alegar nga kakueangan it suplay it asukar hay nakaapekto eon man sa produksyon it mga soft drink sa nasyon.
