Madugangan ro pagabayaran it mga gustong magbo-oe it non-immigrant visa sa estados unidos sa pilang mga kategorya umpisa sa Hunyo 17.
Suno kay Bombo International Correspondent Greg Aguilar it California, USA nga ro application fee para sa visitor visas para sa temporary business ukon tourism ag iba pang non-petition based non-immigrant visas, kapareho it student ag exchange visitor visas hay magasaka it 185 dollars halin sa dating 160 dollars.
Mabatyagan man ro pagtaas it application fee sa mga gustong magbo-oe it pilang petition-based nga non-immigrant visas para sa temporary workers, nga halin sa $190 dollars hay magiging $205 dollars eon.
Para sa treaty trader ukon investor visa applicant, ro processing fee hay magataas it 315 dollars halin sa dating $205 dollars.
Apang suno kay Aguilar nga ro “good news” kara hay ro US visa hay may validity eon makaron nga 10 dag-on.
Mag-eowas kara , rasonable man sigon ro kantidad nga ginpataas .
