KALIBO, Aklan–Telang piña it Aklan ro nagapangunang materyales nga gingamit sa ginsuksok nga gown ni First Lady Atty. Louise “Liza” Araneta-Marcos sa ginpatigayon nga inagurasyon ko Huwebes ni Pangueong Ferdinand “Bongbong” Marcos, Jr.
Ro gown hay obra it sangka Aklanon ag sikat nga international fashion designer nga si Lesley Mobo.
Si Araneta-Marcos hay naging icon it Aklan fashion ag heritage matapos isuksok ro gown nga himo sa vintage Piña it mga manughaboe sa probinsiya samtang ro manu-manong embroidery hay obra it mga artisans it Batangas.
Ro “Haboe Piña” ukon Piña weaving hay sangka sinaunang tradisyon ag industriya sa Aklan nga ginsaylo ukon ginpamana sa mga masunod nga henerasyon kun sa siin ginaduso raya makaron nga maeakip sa listahan it United Nations Educational, Scientific and Cultural Organization (UNESCO).
Ginabo-oe ro fiber halin sa mga dahon it katutubong pinya, ginatahi ro hibla pinaagi sa alima ag manu-manong ginahaboe hasta nga maging tela nga mahumok ag makinis.
