Ginpatawag it sangguniang bayan it Kalibo ro igtaeopangod it Aklan Electric Cooperative ukon Akelco angot sa sunod-sunod nga brownout kamana man ro mga nagabaeanggangat nga wirings.
Ginpunto it konseho nga kinahang-ean nga limpyuhan it kooperatiba ro mga nagabaeanggangat nga wirings kaibahan ro ana it mga telcos bangud ginapatihan nga raya ro sambilog sa mga rason kon ham-an it sigidas ro naeksperyensyahan nga brownout sa banwa it Kalibo.
Apang, gin-insister it Akelco nga sigidas makaron ro andang clean up sa mga spaghetti wires nga makit-an sa tanan nga poste.
May mga rehabilitation man sigon nga ginahimo ro telcos kon siin nakipag-angot man kanda raya.
Sa mga nauna sigon nga memorandum hay may nakataeana nga pondo sa rehabilitation it mga poste ag linya apang sa makaron hay bukon eon daya it bastante bangud eon man sa kamahaeon it construction materials.sa pihak nga parte, ginpaathag it Akelco nga nagahimo sanda it test energize antes nga daeayon nga ibalik ro power supply engkaso nga may mga outages nga nagakatabo.
Ro mga unscheduled power interruption nga kon amat hay kahimuan it National Grid Corporation of the Philippines ukon NGCP hay insigida man nanda raya nga ginapaathag sa publiko ag uwa man nagabuhay antes nga maibalik ro power supply
