KALIBO, Aklan—Ginakabig ni sangguniang panlalawigan member Nemesio Neron nga sangka welcome development ro sunud-sunod nga pagkakumpiska it bulto-bultong shabu sa probinsiya it Aklan.
Suno kana nga raya hay nagakahueugan nga padayun ro hugut nga kampanya kontra sa ilegal nga droga it law enforcement agency partikular it Philippine Drug Enforcement Agency ukon PDEA nga nagapanguna sa mga operasyon.
Pinaka-uli nga naboe-an it bulto-bultong shabu hay ro 40 anyos nga high value target nga si Glen Deslate sa ginkasa nga buy-bust operation sa andang baeay kahapon sa Purok 7, Barangay Tigayon, Kalibo.
Ginaboeobanta nga kapin sa P520,000 nga balor it ginadudahan nga shabu ro nabo-oe sa anang posisyon ag kontrol.
Ginpahayag it opisyal nga nagakanugon imaw sa kahigayunan nga gintau sa suspek nga bag-uhon ro daeagan it anang kabuhi bangud nga matapos nga makahilway halin sa 13 anyos nga pagkakulong sa New Bilibid Prison hay uman raya nga nagbalik sa anang bisyo .
Gindayaw man nana ro mga awtoridad bangud nga kumpara dati nga mga sachet eamang it shabu ro mga recoveries hay bulto-bulto eon makaron nga nagabalor it minilyong piso.
