KALIBO, Aklan—Nagapadayun sa makaron ro imbestigasyon it Bureau of Fire Protection ukon BFP-Boracay angot sa sunog nga natabu sa Sitio Cabanbanan, Brgy. Manocmanoc sa isla it Boracay, Huwebes it hapon.
Suno kay FO3 Melvin Porras, Arson investigator it BFP-Boracay nga ginatumod pa nanda ro ginhalinan it sunog.
Apang base sa andang inisyal nga imbestigasyon, ro sunog hay nag-umpisa sa ikaywang panaegan it baeay nga gina-rentahan ni Yusop Jawad nga ginapanag-iyahan it pamilya Peralta.
Kapin sa 16 nga baeay ro naabu, kun sa siin, 11 ro totally damaged ag lima ro partially damaged.
Pila sa mga baeay nga nasunog hay ginagamit nga boarding house.
Owa man it napabalita nga naninahan sa insidente.
Ginaboebanta nga kapin sa 225,000 pesos ro danyos sa natabu nga sunog.
