Ginpangunahan ni Senador Christopher Lawrence “Bong” Go ro ground breaking ceremony it Super Health Clinic Centernga igapatindog sa Brgy. Nalook, Kalibo.
Suno kay Kalibo sangguniang bayan member Ketchie Luces, ro nasambit nga proyekto hay sambilog sa mga inisyatibo it senador apang ro pondo para sa construction it edipisyo hay naghalin sa Department of Health ukon DOH nga kapin sa P10 milyon pesos ag may counter part ro lokal nga gobyerno it Kalibo nga nagaabot sa P5 milyon pesos.
Sa kabilugan, P15 milyon pesos ro pondo para sa proyekto kon sa siin raya hay sangka kumpleto pasilidad para sa mga pumueoyo.
Angot kara, eubus nga ginkalipay it opisyal ro natuman ro nasambit nga proyekto nga eubus nga mapanipuslan it mga pumueoyo.
Gin-umpisahan eon ro construction sa eogta mismo nga ginapanag-iyahan it LGU
