KALIBO, Aklan—Nagapabilin nga bastante ro suplay it bakuna nga ginatao it Department of Health ukon DOH para sa probinsya it Aklan.
Suno kay Liga ng mga Mayor President ag Ibajay Mayor Jo-en Miraflores nga sa makarun hay sigidas ro pag-aeabutan it nagkaeain eain nga bakuna sa probinsya.
Kasunod man kara hay naging maayos ro vaccination roll out it mga kabanwahan.
Bangud kara hay taget sigon it gobyerno probinsiyal nga maabot eun ro herd immunity sa buean it Disyembre.
Samtang, ginpahayag man ni Miraflores nga sa makarun hay padayun nga naganaba ro mga nailistang kaso it covid-19 sa probinsya.
Amat-amat eun man sigon nga ginahaeugaan ro mga pagsinoeondan kun sa siin makarun hay haeos hilway eun nga makaguwa ro mga pomoeuyo.
Nasayuran nga sa makarun hay una sa idaeum it alert level 2 ro probinsiya it aklan rason nga maabo eun ro nagbag-o sa mga ginapatuman nga pagsinueondan kapareho it mas ginpatag-od nga curfew hours, pagkakas it mandatory nga pagsuksok it face shield ag pagpasugot sa mga menor de edad nga makaguwa sa mga pampublikong lugar.
