Nagapabilin nga bastante ro supply it dugo sa probinsya it Aklan depende sa kinahang-ean nga type of blood.
Apang, aminado si Philippine Red Cros ukon PRC Aklan administrator Mary Joe Galleon nga kinahang-ean maghueat it makadali ro mga pasyente bangud nga ro ginarequest nanda nga dugo hay sa Roxas City pa ginaproseso kon eowas baea raya nga isalin sa andang eawas.
Sa mga aksidente ag insidente nga naga-eontad, inde malikawan nga may magkinahang-ean it dugo rason nga sigidas ro kampanya it PRC nga boluntaryong magdonar it dugo ro mga kwalipikadong indibidwal agud nga makasugpon it kabuhi sa mga nagakinahang-ean.
Mag-eowas kara, ginpahayag dugang ni Galleon nga nagapadayon man ro andang blood letting activity sa mga kabanwahanan ag kabaranggayan agud nga masustenihan ro supply it dugo sa bilog nga probinsya it Aklan.
Bukon eamang it mga pasyente it aksidente ukon insidente ro nagakinahang-ean it dugo kundi ro mga nagamasakit kaparehas it mga naga-dialysis, tinamaan it dengue ag maabong iba pa.
Bangud kara, padayon ro andang apela sa publiko nga makipagbahin sa mga blood letting activity sa andang mga lugar eabi eon gid sa dag-unan nga Dugong Bombo it Bombo Radyo Philippines.
