Mas pang nagpameligro ro global supply it mga produktong petrolyo matapos nga paueanan it missile it mga rebeldeng Houthi ag maglunsar it drone attack sa pilang oil facility sa Saudi Arabia.
Suno sa Saudi Defense ministry, kaibahan sa ginatarget it mga rebelde halin sa Yemen ro liquefied natural gas plant it Aramco, ro pinakamabahoe nga oil company sa bilog nga kalibutan.
Nadaeahig man sa pag-atake ro sangka power plant, gas station ag desalination facility.
Owa it namatay ukon naninahan sa indsidente apang nahalitan ro nasambit nga mga pasilidad ag nagapameligro nga maapektuhan ro produksyon it langis.
Samtang, ginpahayag it Saudi government nga indi sanda dapat basueon sa posibilidad nga magnipis ro global supply it krudo.
Ro Saudi Arabia ro nagapangunang oil exporter sa kalibutan.
