Suplay it mga baeak-eon sa Kalibo Public Market, nagapabilin nga bastante

Kalibo Aklan ———–Bastante makaron ro suplay it mga tinuean-on, isda ag karne nga ginadea sa Kalibo Public Market.

Suno sangka tindera nga si Delly, inoras manlang ro andang pagbaligya sa pampublikong merkado bangud nga mahina ro tawo nga nagapanindahan kumpara ko mga nagtaliwan nga tyempo kat uwa pa ro pandemya.

Nagatubo eamang sigon sanda it hasta sa limang piso para eang makabalik sa andang kapital ag makaginansya sanda it sangkiri.

Ginpahayag pa kara nga kon dati hay sang adlaw sanda nga nagabaligya makaron hay sang mu-aga eon lang bangud nga uwa eon man it nagapanindahan tuga it kaabuon it mga talipapa sa kabaryuhan.

Inde eon kinahang-ean pa nga magpakalibo ro mga bumaeakae para sa andang pang adlaw-adlaw nga kinahang-eanon.