Ginpundo eon it Russia ro pagtao it natural gas sa Finland.
Ginkaakig it Moscow ro pag-aplay it nasambit nga nasyon para maging miyembro it NATO.
Nasayuran nga waeong porsyento it natural gas ro ginakonsumo it Finland ag kaabuan kara hay maghalin sa Russia.
Kasunod it pag-atake it Russia ko Pebrero 24 sa Ukraine, ginhinyu it Moscow halin sa mga “unfriendly countries” kaibahan ro mga estadong miyembro it EU nga magbayad para sa gas sa rubles, sangka pamaagi agud nga malikawan ro mga Western financial sanctions kontra sa central bank.
Samtang, ginpasiguro man it kumpanya it enerhiya nga ginapanag-iyahan it estado it Finnish nga Gasum nga sarang kara nga mapun-an ro kakueangan halin sa iba pang mga ginabue-an sa pamaagi it pipeline it Balticconnector, nga nagakonekta sa Finland sa Estonia, ag ginpasiguro kara nga magadaeagan eon it normal ro mga filling stations.
