KALIBO, Aklan—Nagapabilin nga bastante ro supply it bugas sa probinsiya it Aklan sa tunga it ginpatuman nga quarantine tuga it Coronavirus Disease ukon COVID-19 pandemic.
Suno kay National Food Authority ukon NFA-Aklan Provincial manager Benilda Fidel, bastante pa ro stock it paeay sa andang bodega sa Linabuan Sur, Lezo ag Makato nga naga abot makaron sa 15,000 bags samtang ro local rice hay may una nga 7,000 bags.
Ginpahayag dugang nga sigidas ro andang pagpamakae it paeay sa balor nga 19 pesos kada kilo.
Ginakalipay man sigon nanda ro response kara it mga mangunguma bangud nga mas ginapili nanda ro NFA nga baligyaan it andang mga ani nga paeay.
Pila sa mga stocks hay ginapadaea nanda sa iloilo agud nga indi ipa-galing bangud nga may kaugalingon idtu nga galingan ro NFA.
