Nagaka-ubusan eon itr suplay it local galunggong sa pilang nagapangunang baealigyaan partikular sa metro manila.
Suno sa Bureau of Fisheries and Aquatic Resources (BFAR), raya hay tuga it nagahilapit nga closed fishing season kun sa siin ginabawae ro pagdakop it galunggong sa Isla it Palawan nga imaw ro may pinakamabahoe nga ginaboe-an kara sa nasyon.
Agud nga masabat ro limitadong suplay it nasyon, nag-umpisa eon nga mag-import it isda ro gobyerno.
Sa kabilugan nga 25,000 metric tons nga gin-aprubahan para sa importation, 12,000 metric tons eon ro naka-abot sa nasyon.
Sa makaron, nagabalor it P220 pesos hasta P280 pesos ro sangka kilo it lokal nga galunggong, samtang P220 pesos hasta P260 pesos man ro imported.
