Supply it lokal nga bawang sa nasyon, ginakueang eon man

Sa tunga it nagapadayun nga krisis  sa sibuyas, gin-aku it  Department of Agriculture (DA) nga ginakueang man  ro suplay it lokal nga bawang sa nasyon.

Suno sa DA-Region 1, maabung merkado  nga  puro  imported nga bawang eon lang ro ginabaligya   bangud sa shortage sa lokal nga produkto.

Bukon man it  bastante ro stock it  bawang  sa mga  naturang cold storage facility para pun-an ro domestic requirement.

Samtang, base  sa monitoring it Agriculture Department, owa eon it ginabaligya  nga lokal nga bawang sa mga nagapangunang merkado sa nasyon.

Ro imported nga bawang hay  mabakae  it  P90   pesos   hasta  P140 pesos  kada kilo, mas barato kumpara sa lokal nga bawang nga  una  sa P260  pesos  hasta P300 pesos  kada kilo.