Aminado ro pamunuan it Aklan Electric Cooperative ukon AKELCO nga may shortage sa supply it kuryente.
Suno kay Engr. Jude Ropa, Head it Engineering Department it AKELCO nga ro problema hay sa parte it National Grid Corporation of the Philippines ukon NGCP.
Bandang alas-8:54 kaina it agahon, may na-monitor ro NGCP nga disturbance.
Maabu nga mga power plants sa Panay ro nawad-an it koneksyon sa transmission system rason nga nakaangkon it power interruptions.
Gina imbestigahan eon sigon it NGCP ro pinaka-ugat it system disturbance.
Gindugang pa ni engr ropa nga maskin sanda hay indi makapasigurado kon hin-uno magabalik sa normal ro sitwasyon.
Sa makaron hay ro feeder 1 and 2 ag portion it isla it Boracay ro may supply it kuryente.
Nauna eon nga ginlaygay it AKELCO sa andang mga member consumer nga boe-on anay sa saksakan ro andang mga appliances agud nga malikawan ro pagkasamad kara.
