National News—Ginpaburan it Korte Suprema ro petisyong gindihon it Department of Justice nga nagahinyo nga isaylo sa Quezon City Regional Trial Corurt ro pagpamati sa daywang ka kaso ni Pastor Apollo Quiboloy nga gindihon sa Davao Regional Trial Court.
Suno sa Supreme Court, nakakita sanda it sangka compelling reasons para pasugtan ro pagsaylo it venue agud malikawan nga makaangkon it public interest.
Makabulig man raya agud nga maihayag it hilway it mga testigo ro andang mga testimonya kontra sa Pastor ag iba pang akusado.
Si Quiboloy hay nagapangatubang sa patong-patong nga kasong may kaangtanan sa sexual abuse ag child abuse sa Davao City Regional Trial Court samtang may ginapangatubang man imaw nga qualified human trafficking nga ginapamatian sa Pasig City.
Hasta sa makaron hay padayon gihapon nga ginatugis it mga awtoridad ro nasambit nga Pastor.
