Nabaton eon it Korte Suprema ro ikaywang petisyon nga nagahinyu para sa temporary restraining order (TRO) sa canvassing it Kongreso sa mga boto ag proklamasyon bilang pangueo ni Bongbong Marcos.
Gina-engganyo man ro SC nga ideklarang kandidato nga may pinakamaabu nga boto si VP Maria Leonor Gerona Robredo bilang nagdaog sa katatapos eamang nga eleksyon kung engkaso nga mabaliskad ro ruling it comelec.
Ro mga petitioners nga nagsumite it ikaywang petisyon hay ginapagunahan nanday Bonifacio Parabuac Ilagan, Saturnino Cunanan Ocampo, Maria Carolina Pagaduan Araullo, Trinidad Gerilla Repuno, Joanna Kintanar Carino, Elisa Tita Perez Lubi, ag Liza Largoza Mazan nga paearihong mga miyembro it Campaign Against the Return of the Marcoses and Martial Law (CARMMA) kaibahan ro martial law survivors, religious ag youth rights advocates.
Suno sa supreme court, ro unang petsiyon nga ginsumite ku nagtaliwan nga Mayo 16 hay na-assign sa sangka hukom nga magapatigayon it inisyal nga pag-imbestiga ag magasumite it rekomendasyon sa plea para sa temporary restraining order.
Sa nasambit nga petisyon, ginpahayag nanda kara nga napaseawan si Marcos nga magsumite it anang income tax returns sa ap-at nga magkasunod nga dag-on sa panyempo nga imaw pa hay nagaserbi bilang bise gobenador ag Gobernador it Ilocos Norte umpisa ku nagtaliwan nga dag-on it 1982 asta 1985 nga indi sigon makabig nga sangka simpleng ommission eamang.
Gina-eauman nga ro ikaywang petisyo hay consolidated sa unang kaso.
Apang sa makaron, ro justice nga in charge sa nasambit nga petisyon hay owa pa nagsumite it plea for TRO sa unang petition.
