Ginkumpirma it sangka senior official nga ginpunterya it joint military combat operation it Amerika ag Israel sanday Iranian Supreme Leader Ali Khamenei ag President Masoud Pezeshkian sa kabisera it Tehran, adlaw it Sabado, Pebrero 28.
Suno sa Israel official, punterya it military forces ro commanding officers nga responsable sa maeapnagong pagpatay sa Iranian protesters.
Bukon pa it klaro sa makaron kon madinaeag-on ro nasambit nga operasyon.
Nakataeana man nga magpaguwa it “battle damage assessments” angot sa pag-atake, nga ginbansagang “Roaring Lion”operation.
Nauna eon nga nagpromisa ro Iran Foreign Ministry it “decisive ag definitive” response kasunod it ginlunsar nga military strikes it US ag Israel sa andang teritoryo.
Gintawag man it Ministry ro pag-atake nga pag-eabag sa United Nation Charter.
