Kalibo Aklan ——-Umpisa alas-11:59 hindunang gabi-i it Abril 29, pagaboe-on eon it lokal nga gobyerno it Malay ro ginpatuman kara nga surgical lockdown sa Zone 1 it Barangay Yapak sa Isla it Boracay kasunod it naganaba nga kaso it andang Covid-19 patient.
Base sa health bulletin it Malay Inter-Agency Task Force Against COVID-19, nag abot eon sa 36 ro nailistang kaso it sakit sa nasambit nga Barangay.
Sa nasambit nga numero, 13 ro aktibong kaso ag daywa pang bag-ong pasyente ro nagmayad .
Ro religious gatherings hay pagapasugtan eon basta masiguro nga 30% eamang it venue capacity ro mga magatambong.
Maskin nga pagaboe-on eon ro lockdown, suspendido gihapon ro operasyon it mga bars, restaurants ag food parks nga may live shows ag music kamana man ro pagbueang ag operasyon it bueangan ag ro non-essential gatherings kapareho it mga parties ag selebrasyon.
Ro mga restobars hay limitado anay sa andang restaurant services.
Ro curfew hours hay magapabilin gihapon sa 11:00PM to 4:00AM.
Kinahangean man ro pagsuksok it face masks ag face shield sa tanan nga oras samtang sa guwa.
Ro quarantine classification hay igabalik eon sa Modified General Community Quarantine (MGCQ).
