POLICE Report — Posibleng magapangatubang sa reklamo ro Cebu-based vlogger nga nagpakuno-kuno bilang sangka suso ukon snail ag nagkamang sa tunga it highway sa Consolacion, northern Cebu.
Ginrekomenda it Highway Patrol Group sa Central Visayas (HPG-7) ro pagpasaka it mga kaso kontra sa vlogger nga nakilaea bilang si Boss LB, bangud nga nagtuga it disturbo ag peligro sa kaeowasan it mga tawo bangud sa anang gin-obra.
Ginmanduan it HPG-7 ro anang legal team nga tumuron kun anong batas trapiko ag iba pang laye ro gin-eabag it vlogger.
Raya hay sa pihak it pagpangayo it pasaylo it vlogger.
Sa viral video, makita ro vlogger nga si Boss LB nga nagakamang sa highway sa Consolacion suksok ro kulay green nga costume nga medyu sangka suso ukon snail.
Nagtuga raya it disturbo sa daeagan it trapiko bangud sa kahinay kara nga magkamang ag nakabaeabag sa mga saeakyan.
Nasayuran nga ro video it nasambit nga vlogger hay nag-abot eon it 1.2 milyong views ag padayun pa nga nagataas.
