KALIBO, Aklan—Nakataeana nga pagapasakaan it kasong murder ro 51-anyos nga suspek nga brutal nga pumatay sa anang kaugalingon nga igkampod, agahon it Lunes sa Sitio Ilaya, Brgy. Mobo, Kalibo.
Nakataeana nga igapaidaeum sa inquest proceedings ro suspek nga si Dante Morales, residente it nasambit nga lugar.
Madumduman nga gintadtad it eabu it suspek ro biktimang si Jenson de Juan, residente it Brgy. Bagto, Lezo sa anang ueo, leog ag iba pang parte it anang eawas rason it anang hinali nga kamatayon.
Naaresto it mga katapo it Numancia Municipal Police Station si Morales sa Brgy. Aliputos Numancia sa anang pagpaeagyo.
Presente raya nga nakakulong sa custodial facility it Kalibo Municipal Police Station.
Ginasugid nga ro suspek ro naga-alaga sa anang daywang igmanghud nga puro may deperensya sa paminsaron.
Dugang pa nga antes sigon nga natabo ro insidente hay adlaw-adlaw nga una sa impluwensya it aeak si Morales, kun sa siin kainuman nana ro anang igkampod.
Dugang pa nga naka-agi man raya it medication bangud sa gina-alegar nga naga angkon man it mental illness.
