Una eon sa paghinakop it Japanese authority ro suspek nga nagbaril-patay kay dating Japanese Prime Minister Shinzo Abe samtang nagadiskurso sa Nara City, Japan.
Suno kay Bombo International Correspondent Melvin Sarvida it Japan, ginaimbestigahan eon it pulisya si Tetsuya Yamagami, 41-anyos, dating marine army nga nagserbisyo sa gobyerno sa sueod it tatlong dag-on kon anu ro anang motibo sa pagpatay sa dating Prime Minister.
Si Abe, 67-anyos nga dating Liberal Democratic Party (LDP) leader, ro ginakabig nga longest-serving prime minister it Japan nga daywang beses nga nagserbi.
Una halin ko dag-on 2006 hasta 2007 ag uman nga nakabalik sa puwesto ko 2012 hasta 2020, antes raya nag-resign bangud sigon sa isyu sa anang ikaayong eawas.
Nagdiskurso si Abe bilang suporta kunta sa mga LDP candidates samtang nagahilapit ro Upper House elections nga gintaeana sa Dominggo kat matabo ro pagbaril kana.
