KALIBO, Aklan—Temporaryong ginpahilway it Numancia PNP ro 18 anyos nga eaeaki nga nag-aku nga imaw ro nagbuno-patay sa sangka 13 anyos nga binatilyo sa natabu nga kinagamo sa Purok 6, Brgy. Camanci Sur, Numancia ko Domingo it gabi-i, Marso 6.
Nakilaea ro suspek nga si Joel Francisco, residente it nasambit nga lugar.
Suno kay PCpl. Arjorine Diaz Mendoza it Numancia PNP nga bangud nagsobra eun sa oras ro pagsurender it suspek hay nahueog sa regular filing ro andang igapasaka nga kaso.
Nauna kara nagpangayo it bulig ro suspek kay Kagawad Randy Fernando it Brgy. Sugnod, Malinao para sa anang pagsurender.
Gin-agtunan it mga katapo it Kalibo Municipal Police Station si Francisco sa anang gindayunan sa Barangay Tigayon, Kalibo.
Sa makarun hay nakataeana nga pagapasakaan it kasong homicide pamaagi sa regular filing ro nasambitan nga suspek.
