KALIBO, Aklan—Nagpabutyag it kahauman ro suspek nga si Byron Roberto, 35-anyos, residente it Ureta Road, Brgy. Andagao, Kalibo nga atubangon ro kaso nga igapasaka kontra matapos nga maaresto sa ginpatigayun nga drug buy-bust operation it mga kapulisan.
Sa pakikipag-angot it Bombo Radyo kay Roberto, nagpangayo raya it pagpasaylo sa anang nobya ag pamilya sa anang saea nga nahimo partikular ro pagduso it iligal nga droga.
Mabuhay eon sigon nana nga handom nga mag-abot ro tyempo nga masikop imaw it mga kapulisan.
Ro kakueangan sigon it kwartang pang-gastos ro nagtueod kana para magsueod sa iligal nga aktibidad.
Dugang pa it suspek nga ginhungod nana nga ipatigayun sa banwa it Kalibo ro transaksyon agud nga indi makita it anang pamilya ro pag-aresto kana.
