KALIBO, Aklan—Nagapangatubang sa nagkaeain-eain nga kaso ro person of interest sa pagpatay kay Bonna Hercia Ambay, reliever manager it pawnshop sa Mabint St. Kalibo.
Suno kay P/Lt. Aubrey Ayon, deputy chief of police it kalibo PNP sa ginpatigayon nga press conference nga ro security guard nga si Mark Archie Torrefiel hay may kasong theft ko 2015 sa banwa it batan, ko 2016 hay naging surrenderee it Tokhang sa Pasig City ag ko kapareho man nga dag-on ag lugar hay ginkasuhan it robbery.
Ro pinaka-ulihing kaso nga anang ginapangatubang hay ro robbery ko Nobyembre 28, 2021 kun sa siin at large ro anang status ag for filing ro kaso.
Raya hay matapos nga pilit kara nga ginbuksan ro warehouse nga anang ginabantayan ag ginbo-oe ro laptop nga nagabalor it P30,000 ag kapin sa P37,000 nga cash.
Sa pihak nga parte, NBI clearance eamang ag owa it police clearance sa mga dokumento nga ginsumite ni Ambay sa anang pag apply bilang security guard sa Heart Security Agency.
Nakadepende eon sigon sa security agency ro mga ginapangayo nga requirements sa pag-hire it mga empleyado.
Sa pihak nga parte, ginkumpirma man it pulisya nga owa narekober ro cellphone it biktima ag ro piggy bank it katrabaho nga ginatantiya nga may sueod nga kapin sa P4,000.
