KALIBO, Aklan — Nakatakas ro sangka eaeaki nga suspek sa ginpatigayon nga drug buy bust operation sa Cipriano Road, Brgy. Estancia, Kalibo.
Ginkilaea ro suspek kay Joven Cipriano alyas kulot residente it Bgry. Tinigaw, Kalibo.
Matapos nga madakpan sa ginkasang drug buy bust operation, nakapaeagyo ro suspek.
Nabak-ean si Cipriano it daywa ka mga suspected shabu.
Padayon nga gina-usoy it mga otoridad ro suspek.
May kaangtan kara, ginserbihan it search warrant ro payag it suspek sa Cipriano Road Brgy. Estancia ag gin-usisa it mga otoridad.
Sa pag-usisa narekober sa payag it suspek ro dugang nga 13 ka mga plastic it suspected shabu nga nakasueod sa utod nga botong ag mga drug paraphernalias.
Ro nasambitan nga operasyon hay natigayon pinaagi sa gintingob nga pwersa it PDEA, PDEU ag KALIBO PNP.
