-- ADVERTISEMENT --
KALIBO, Aklan—Una eon sa kustudiya it Nabas PNP ro suspek nga responsable sa shooting incident nga nag-eontad sa Brgy. Buenasuerte, Nabas.
Una kara, matapos ro nag-eontad nga insidente hay nagpaeagyo ro suspek nga si Jessie Trosedel apang kahapon man eagi hay nagsurender raya kay punong barangay Virgelio Casidsid it nasambit nga lugar.
Apang, ro ginamit kara nga armas hay padayon nga ginausoy it pulisya.
Madumduman nga patay gid ro biktimang si Roland Geronimo bangud sa naangkon kara nga fatal nga lastro tuga it pagbaril-patay kana it nasambit nga suspek.
