KALIBO, Aklan—May natumod eon nga tatlong ka mga suspek ro Madalag Municipal Police Station angot sa pagpatay kay Noel Nadate ko Disyembre 31, 2021 sa Brgy. Cabangahan, Madalag.
Suno kay Police Master Sergeant Rufino Donato it Madalag Municipal Police Station nga ginpasakaan eon nanda it kasong murder ro tatlong ka mga persona nga owa anay ginpangaeanan samtang owa pa nagaguwa ro warrant of arrest.
Pinaagi sigon sa mga circumstantial evidence ag witness hay madasig nanda nga natumod ro mga suspek.
Antes pa sigon natabo ro pagpatay sa biktima hay nakabaton eon raya it “threat” sa anang kabuhi.
Ginpahayag dugang nga gindungan ro pagpatay sa biktima sa kasagsagan it pagkinasadya sa pagsug-aeaw it bag-ong dag-on para indi masayuran kung siin maghalin ro eupok.
Madumduman nga una eon sa state of decomposition ro bangkay kat masapwan ko Enero 4, 2022.
