KALIBO, Aklan—Ginpamalibaran it suspek nga si Teddy Rivera nga imaw ro bumaril-patay sa biktimang si Rowen Palomar sa Barangay Navitas, Numancia.
Raya hay sa pihak nga positibo imaw nga ginturo it asawa it biktima nga sa likod it krimen.
Suno kana nga bandang alas-4:00 it aga-aga hay nakibot eon lang imaw matapos nga imbitahan it mga kapulisan.
Nagakatueog suno kana imaw kat mag-abot ro mga otoridad.
Aminado man si Rivera nga ginpatawag nana sa andang barangay si Palomar agud nga maistoryahan ro mga tsismis nga naga-eapta sa andang barangay ag matuldukan eon ro isyu angot sa biktima ag sa anang igkampod.
Gindugang pa kara nga owa pa sanda nag-aeasawa hay suod eon sanda nga mag-amigo it biktima.
Matapos nga makaangkon it bagina may tatlong dag-on eon ro nagtaliwan hay owa eon sanda nagka-istorya.
Nagpahayag man imaw it kahauman engkaso nga ipaidaeum sa paraphin test.
Narekober it mga otoridad sa lugar ro basiwo it kalibre .45 nga baril ag slug maeapit sa eugban.
Nagapadayun pa ro imbestigasyon it Numancia Police Station sa motibo it krimen.
