Igapaidaeom sa psychiatric evaluation hasta sa katapusan nga adlaw it presenteng dag-on ro suspetsado sa pag-assassin kay dating Punong Ministro nga si Shinzo Abe.
Si Tetsuya Yamagami, unemployed nga 41-anyos, hay ginkilaea it pulisya bilang suspek nga nagpaeapit kay Abe samtang nagahiwat it isaeang ka-campaign speech ku nagtaliwan nga Hulyo 8 ag nagpeupok gamit ro handmade gun.
Ro korte sa Nara sa Japan, kung siin naga-istar ro suspek hay naghinyu sa mga prosecutors nga i-hold si Yamagami para sa psychiatric examination.
Sa makaron, owa pa nagpaguwa it pahayag ro Nara prosecutors may kaangtanan sa nasambit nga balita.
Sa pihak nga parte, ro evaluation hay magabuhay hasta Nobiyembre 29 ag magasayran kung si Yamagami hay pagakasuhan ukon indi bangud sa natabo nga shooting.
