KALIBO, Aklan–Nagpanindugan ro 28 anyos nga suspek nga si Melvin Rala it barangay Polocate, Banga nga self-defense eamang ro anang gin-obra rason nga nabuno ag napatay ro 22 anyos nga biktimang si Rey Retoriano.
Sa interview it Bombo Radyo Kalibo, ginpahayag ni Melvin nga samtang nagasaot sa sueod it baylihan hay ginkursunadahan ag gintik-eud imaw it kaibahan ni retoriano nga si jomary caburnay.
Nasaksihan sigon it anang asawa ro natabu rason nga ginbira imaw paguwa.
Samtang nga nakasandig sa patrol car it police, owa nana ginaeauman nga nagguwa man ro daywa rason nga gin-unahan nana it pagbayo.
Kasunod kara hay ro pagdueumugan sigon nanda it biktima hasta nga ginbuno imaw sa anang kilid nga nakaangkon it daplis.
Nagbaeos suno kana imaw ag naggabot it daea nga kutsilyo ag ginbuno ro biktima.
Samtang, naghinoesoe suno kana imaw ag nagpangayo it pasensiya sa pamilya it biktima ag haum nga atubangon ro kasonghomicide.
Nagsurender ro suspek sa Banga Municipal Police Station kaibahan ro anang tiyo.
