KALIBO, Aklan–Self-defense eamang ro gin-obra it suspek nga si Jason Montoya nga nagbuno-patay sa biktimang si John Eric Remetio, 43 anyos sa sangka namatyan kaina it aga-aga sa Brgy. Daja Sur, Banga.
Suno sa suspek nga maga-ihi kunta imaw, apang ginsita it biktima kadungan ro pagbuyot sa pueo it anang kutsilyo.
Bangud kara, naalarma sigon imaw ag insigidang naggabot it kutsilyo ag ginbuno si Remetio.
Sa pagtabang it anang tiyo nga si Ramil Montoya, ginbuno raya it biktima ag nalastruhan rason nga uman nana nga ginbuno.
Nagpanindugan si Jason nga owa it partisipasyon ro anang ama nga si John sa krimen bangud nga nag-awat eamang raya kaibahan ro anang sambilog pang tiyo nga si Johnny Montoya.
Ginpahayag dugang nga maabu eon nga ginbuno ro biktima nga patraidor.
Samtang, haum ro suspek nga atubangon kon anuman ro kasong igapasaka kontra kana.
