Kalibo Aklan ———-Nakataeana nga pagapasakaan it kaso ro sangka eaeaki nga responsable sa pagpamuno nga nag-eontad sa Brgy. Poblacion, Libacao ko nagtaliwan nga gabi-e.
Ginkilaea ro suspek nga si Danny Española, 40-anyos, residente it Brgy. Dalagsaan samtang ro biktima hay ginkilaeang si Rex Redecio, 50-anyos it Brgy. Loctuga sa nasambit nga banwa.
Base sa report, samtang nagatambay ro biktima kaibahan ro iba pa nana nga barkada hay nag-agi ro nasambit nga suspek ag insigida imaw nga ginhandos it siyaw nga gintunaan it anang pag-angkon it lastro sa eawas.
Apang, maswerte eamang nga manabaw ro anang naging igo kon sa siin matapos nga gin-eapatan it medikasyon sa Libacao rural health unit hay gilayon man imaw nga ginrefer sa out patient.
Samtang, desidido man nga magpasaka it kaso ro biktima rason nga si Española hay insigida man nga naaresto ag una eon sa makaron sa kustudiya it Libacao PNP para sa nagakaigong disposisyon.
