KALIBO, Aklan–Sa paghinakop eon it Nabas Police Station ro suspek sa pagpang-eambaring it sangka L300 van nga ginasakyan it graduating student nga si Mary Jane Plaza samtang ginabaybay ro national highway nga sakop it banwa it Nabas.
Nakilaea ro suspek kay Julius Illiado, 22-anyos ag tumandok it Libertad,Nabas.
Natigayon nga maaresto ro suspek sa anda mismong panimaeay kahapon pasado alas 10 it agahon sa ginpatigayon nga hot pursuit operation it Nabas PNP.
Natueopangdan nga una sa impluwensya it makahieilong nga ilimnom ro suspek kat natabo ro insidente kung siin indi sigon kara madumduman ro hitabo.
Sa makaron ginahueat eon lang ro desisyon it pamilya it biktima para sa nagakaigo nga disposisyon nga igapasaka sa suspek.
Samtang, nakataeana man nga ipaidaeom sa operasyon makaron nga adlaw ro biktima.
