KALIBO, Aklan—Gilayon nga naaresto it mga otoridad ro suspek nga ginkilaea kay Kyuta Hattori, 24 anyos nga nagpang-atake sa sueod it train sa Tokyo, Japan nga nagresulta it pagkaangkon it lastro it 16 ka mga pasahero samtang sambilog man ro nagapabilin nga critical.
Suno kay Bombo International Correspondent Myles Briones Beltran it Tokyo, Japan nga ro suspek hay nagsuksok pa it Joker nga costume nga nagpakalhit it langis sa train nga gin-umpisahan man it kaeayo.
Kasunod man kara ro anang pagpangbuno sa anang mga kaibahan nga pasahero sa sueod it nasambitan nga train.
Suno sa mga local media, ginhambaean it suspetsado ro mga otoridad nga gusto karang magpamatay agud masentensyahan it kamatayon.
Ro pagpang-atake ang nag-euntad sa Keio express line paadto sa Shinjuku nga ginakabig nga pinakamasako nga rail station sa bilog nga kalibutan pasado alas 8:00 it gabi-i.
