Kalibo Aklan—–Nagapangatubang sa kasong 4 counts it rape ro sangka 34-anyos nga karpentero matapos nga positibong ginaturo nga imaw ro naghimueos sa an-om nga dag-on nga ungang babaye sa banwa it Balete.
Suno kay Police Major Jake Barila, hepe it Balete PNP nakataeanang iga-inquest sa Bureau of Jail Management and Penology ukon BJMP sa Brgy. Nalook, Kalibo makarun nga adlaw ro suspek nga asawa it kaugalingon nga tiya it biktima.
Ginpahayag dugang nga sa medico legal it onga, positibo raya nga nahimuslan bangud sa nakit-ang laceration sa anang kinatawo tuga it penetration it suspek.
Suno pa kay P/Major Barila, posible nga bukon eamang it raya ro unang beses nga nahimuslan ro onga base eon man sa resulta it anang medico legal.
Una kara, nakipag-inuman ro suspek sa anang mga amigo bangud nga bag-o imaw nga uli halin sa banwa it Malay kon sa siin raya nagatrabaho.
Makataliwan sigon ro pilang minuto hay naduea sa grupo ro suspek rason nga gin-usoy raya it anang kaibahan ag dikato nadiskubre ro krimen matapos nga nadakpan imaw sa akto nga nakapatong sa eawas it unga.
Nasayuran nga ro unga hay gin-salig it anang mga ginikanan sa anang tiya bangud nga sa Metro Manila ro andang trabahong mag-asawa.
Samtang sa pihak nga parte, hugot nga ginpamalibaran it suspek ro alegasyon nga imaw ro responsable sa paghimueos sa unga.
Suno kana, kon amat eamang imaw naga-uli sa anda ag inde nana mahimo nga mahimuslan ro ginakabig eon nga gumankon bangud nga una man ro anang asawa.
