KALIBO, Aklan—Na-inquest eon ro mga kasong Acts of Lasciviousness ag child abuse kontra sa suspek nga gina-alegar nga nagapangdakma ag nagapangkumos sa mga maselan nga parte it eawas it kababayin-an nga anang ma-tripan ag makasub-eang samtang nga nagabaktas.
Suno kay P/Major Jake Barela, deputy chief of police it Kalibo PNP nga ro nasambit nga mga kaso hay ginpasaka kontra sa suspek nga si Christian Martinez, 25-anyos ag residente it Brgy. Laguinbanua West sa banwa it Numancia.
Ginpahayag pa ni Major Barela nga pila sa mga biktima it suspek nga nag-agto sa police station matapos raya nga maaresto hay nag-breakdown bangud sa trauma.
Pila sigon sa mga ro nagpursige nga magpasaka it kaso, kun sa siin, sambilog eon kara ro waeong dag-on nga unga.
Madumduman nga pilang mga unga ro nagreklamo kontra sa suspek nga matapos sigon nga obrahan it kabastusan hay ginataw-an nana ro mga raya it kwarta bilang suhoe agud nga indi magsugid sa mga ginikanan.
Samtang, ginsaysay ni Major Barela matapos nga mabiktima ro sangka maestra ko nagtaliwan nga adlaw sa Brgy. Estancia, Kalibo hay insigida sanda nga nagpatigayon it follow-up operation.
Pinaagi sa bulig it CCTV sa lugar hay nakabo-oe sanda it lead sa description it suspek nga insigida nanda nga gin-post sa social media ro anang litrato ag ro ginasakyan nga motorsiklo.
Sa bulig it mga netizens hay nakilaea ro pagkatawo kara rason nga gin-aresto sa anang gina-obrahan nga lending company.
Natukiban man it pulisya nga ginpinturahan nana it bag-o ro tapaludo it anang saeakyan ag ginkakas ro pilang mga stickers.
Voice of P/Major Jake Barela
