Nakataeanang pasakaan it mga kasong human trafficking si suspended Bamban, Tarlac Mayor Alice Guo ag anang mga kasabwat.
Ginpaathag ni Presidential Anti-Organized Crime Commission (PAOCC) spokesperson Winston Casio nga posibleng maging liable ro suspendidong alkalde sa nasambit nga kaso bangud nga may una imaw nga partial ownership sa properties kon sa siin natabo ro mga aktibidad it human trafficking sa gin-raid nga Philippine Offshore Gaming Operators hub sa Bamban.
Rason nga kumpyansa sanda nga maipasaka ro human trafficking charges kontra sa alkalde.
Ginsambit ni Casio ro sangka probisyon sa idaeom it anti-human trafficking law nga nagaimponer it penalidad sa mga tag-iya it mga edipisyo ag properties nga nagapasugot nga gamiton raya para sa aktibidad it human trafficking.
Madumduman nga nauna eon nga gin-ako ni Mayor Guo nga sambilog imaw sa dating incorporator it Baofu.
Sa makaron hay ginatan-aw pa it Presidential Anti-Organized Crime Commission ro iba pang posibleng mga kaso angot sa money laundering kamana man iba pang minor charges.
